Кампадан чыккан өрт чектөөгө алынды

Алдын ала маалымат боюнча, Бишкек шаарынын Ленин районуна караштуу Интергельпо көчөсүнүн №1чи дарегинде жайгашкан кампадан чыккан өрт 15:04то чектөөгө алынды. Бул тууралуу Өзгөчө кырдаалдар министрлигинин маалымат кызматы билдирди.

Учурда өрттү толук өчүрүү иш-чаралары жүргүзүлүүдө. Өрттүн жалпы аянты болжол менен 2800 чарчы метрди түзөт.

Өрт боюнча кошумча маалымат берилет.