Шашылыш кабар:

Күйдүргү күн ысыганда козголот

Август 24th, 2018 | by Бурулай Шергазиева
Күйдүргү күн ысыганда козголот
Ден соолук
0

15-августта Кара-Кулжа районунда 12 адам күйдүргүнүн белгилери менен ооруканага жаткырылган. Ага чейин Жалал-Абад  облусунда катталган. Алдын ала маалыматтар боюнча аларга мал сойгон учурда жуккан. Бүгүнкү күндө 12 кишинин үчөө ооруканадан чыгарылды. Бул оорунун жугуу жолдору, белгилери боюнча Республикалык карантиндик жана өтө кооптуу оорулар борборунун директору Сабыржан Абдыкеримов менен маектештик.


Бүгүнкү күндө сибирь жарасы катталгандыгы боюнча маалыматтар тарады. Канча киши жуктуруп алды?

-Биринчи учур Жалал-Абад облусуна караштуу Базар-Коргон районунда катталган. Анда 13 киши жабыркаган. Ал эми экинчи учур Ош облусундагы Кара-Кулжа районуна караштуу Калматай айылында катталды. Анда 12 киши жабыркаган. Маалыматка ылайык, алар малды союшкан. Малды 6-августта союшса, оорунун биринчи белгилери 9-августта байкала баштаган. Анан 11-августта ооруканага кайрылышкан. Текшерүү жүргүзгөндөн кийин сибирь жарасы деп аныкталган. Этти 6 бөлүккө бөлүп алышкандыктан, жалпы 168 киши контактта болгон. Текшерилип, 12 киши ооруканага жаткырылган. Азыр эч кандай коркунуч жок.

Бул оору кандай жол аркылуу жугушу мүмкүн?

-Оорулуу малды багууда, ылаңдуу малдарды сойгондо, жүнүн кыркканда, аны сойгондо колдонулган буюмдар аркылуу жугушу да мүмкүн. Ошондой эле, эт-сүт азыктарын чала бышырып колдонгондо жугушу ыктымал.

Белгилери кандай болот?

-Бул оорунун негизги белгилери микроб кирген жери чиркей чаккан сыяктуу болуп  кызарат. Эртеси кычыша баштайт, андан кийин ыйлакча пайда болот. Ошол жерде кара так пайда болуп, жара болот. Дене табы көтөрүлөт, алсыз болот.

Кыргызстанда канча жерде күйдүргүнүн очогу жайгашкан?

-Булар топурактын астында жүз жылдап жашай берет. Кыргызстанда 555 жерде очогу катталган. Көп жерде катталбай, белгисиз жатат. Көпчүлүгү түштүк аймакта. Күн ысыганда бул микробдор козголот. Андан чыккан чөптү мал жейт. Андан мал ооруйт.

Рахмат!

Comments are closed.

Марал Радиосу cможет принять любую посещаемость благодаря кешированию WP Super Cache