Шашылыш кабар:

Осмонбетов: Кытай менен стратегиялык шериктеш мамлекет болдук

Осмонбетов: Кытай менен стратегиялык шериктеш мамлекет болдук
Күн чекит
0

Президент Сооронбай Жээнбековдун Кытай Эл Республикасы менен эки тараптуу жолугушуулары аяктады. 6-июнда башталган мамлекеттик сапардын алкагында  президент Кытай Эл республикасынын төрагасы Си Цзиньпин баштаган бир катар кытай лидерлери менен жолугушту.  Соңунда он документке кол коюлду.  Бул сапардын мааниси жана Кытай менен алдыдагы келечек тууралуу Эл аралык мамилелер боюнча эксперт Эдил Осмонбетов «Күн чекит» программасында маектештик.

Мамлекеттик деңгээлдеги сапардын мааниси кандай? Маегибизди алгач ушундан баштасак…

Бул мамлекеттик деңгээлдеги сапар болуп эсептелет жана эң жогорку деп саналат. Мунун өзгөчөлүгү бар. Биринчиден жаңы президенттин алты айдан кийин Кытайга барышы. Бул Кытай лидери менен инсандык мамиле түзүүдө орду чоң. Экинчиден  Кытай жакында эле президенттерди тосуп алуу аземине өзгөртүү киргизген. Мында биринчи болуп биздин президентибиз туш келди. Анда Кытай тарап  башка мамлекеттин президенти келген кезде, жогорку деңгээлде сыйлап, тосуп алуу үчүн мамлекеттик атайын протокол киргизишкен.

-Эки тараптуу сапар кандай жыйынтыкталды?

Бул эки тараптуу жолугушуунун сапаты азырынча  жогору деп айтам. Мына он документке кол коюлду. Бул протоколдук негизде .  Эми анын үстүнөн башка комиссиялар иштеши керек.  Бирок эки тараптуу кол коюларда Кыргызстан сөзсүз түрдө улуттук кызыкчылыктарды жоготпошу керек. Макулдашылган иштерди карасак  келечектүү. Бул Кытай тарапка дагы,  бизге дагы жакшы. Эң негизгиси бул Кыргызстанга газ куурун салуу. Бул демилгени Кытай  көп жыл мурун эле көтөргөн.  Азыр  дагы көтөрүлүп жатканы бул жакшы көрүнүш. Экинчи электромобилдерди киргизүү.

Негизи эле дүйнөдө  экономикасы экинчи орунда турган Кытай менен локомотив катары  иштешсек, өнүккөн мамлекеттердин катарына батыраак чыгып кетебиз.  

-Кыргыз-Кытай мамилеси  бул жолугушуудан кийин кайсы нукта уланышы мүмкүн?

Кытай менен Кыргызстан саясий жактан башка деңгээлге чыкты. Стратегиялык шериктеш мамлекет болду. Артта калган 28 жылда  Кытай менен Кыргызстандын алакасы ар кайсы деңгээлде болуп келди.  Азыр эң жогорку деңгээлuе чыкты. Учурда көп тараптуу стратегиялык өнөктөш болуп калды. Бул саясат жагынан абдан жакшы. Азыр алардsн чоң долбоору бар. Улуу Жибек -Жолунун алкагында  «Бир алкак-бир жол» долбоору турат. Бирок аны биз пайдаланбай келе жатабыз. Үчүнчү өзгөчөлүк Кытай менен чек арабыздын болгону. Бул биздин өлкөгө инвестициянын киришине чоң мүмкүнчүлүк түзүп берет. Анткени коңшу Өзбекстан Кытай экономикасына кирүүгө өтө кызыктар болуп турат. Бул жагынан алар биз аркылуу өтүүгө кызыктар.Ошондуктан Кыргызстандын геосаясатта мааниси жогорулап жатат.    

-Маегиңизге рахмат!

Comments are closed.

Марал Радиосу cможет принять любую посещаемость благодаря кешированию WP Super Cache