Биз менен байланышыңыз

Кытайдагы коронавирустан каза болгондордун саны 106га жетти

Дүйнө , Кыска кабар | 28 Янв 2020 | 277 | 0

Кытайда чыккан коронавирустун жаңы түрүнөн каза болгондордун саны 106га жетти. Ал эми илдетти жугузгандардын саны 4500дөн ашты. Бул тууралуу Кытайдын саламаттык сактоо комитети маалымдады.

Бир күн мурда вирус жугузгандардын саны 2744кө жеткенин  жана 80 адамдын каза болгондугу катталган болчу. Сутка ичинде илдетти жугузган 1771 жаңы окуя катталды.

Кытайдан башка өлкөлөрдү алсак, Гонконгдо 8, Макаодо 7, ал эми Тайванда 5 вирусту жуктурган абал катталды.

Каза болгон 106 адамдын 100ү вирустун очогу болгон Хубэй провинциясынын тургундары.

Кытай бийлигинин маалыматына ылайык, 976 киши оор абалда жатат. Ал эми 60 бейтаптын абалы жакшырып, ооруканадан чыгарылды.

Андан сырткары, дагы 6973 адам жаңы вирусту жуктурган деп шектелүүдө. Ошондой эле, илдетти жугузгандар менен мамиле түзгөн 44132 адам көзөмөлгө алынган.


Коронавирустун жаңы түрүнөн кантип сактаныш керек?


2019-нКоВ аталышындагы коронавирустун жаңы түрү алгач декабрь айында, Кытайдын Ухань шаарында байкалган.

Copyright © 2017 Maral FM