«Өкмөттүн эмес, президенттин отчётун кабыл алгандай колдоп койдук»

Эл өкүлдөрү аткаруу бийлиги былтыркы аткарган иштери боюнча маалымат берип жатканда, өкмөттүн эмес, президенттин отчётун кабыл алгандай колдоп койду. Бул тууралуу Жогорку Кеңештин депутаты Кенжебек Бокоев «Марал» радиосуна берген маегинде билдирди.

«Өкмөт бир жылдын ичинде көйгөйлөрдү аныктаганын айтып, эми иштей турганын белгиледи. Бирок, кандай иштээрин айткан жок. Бизде өзгөрүүлөр жай жүрүп жатат», — дейт Бокоев.

Эске салсак, үстүбүздөгү жылдын 25-апрелинде Жогорку Кеӊеш Өкмөттүн 2018-жылдагы ишмердүүлүгү боюнча берген отчётун жактырган.