Пекин Huawei компаниясын колдоого алууда

Кытай бийлиги Huawei компаниясын, анын жетекчиси Мэн Ваньчжоу жана өлкөнүн улуттук телекоммуникациялык компанияларын коргоого алат.

Бул тууралуу Мамлекеттик кеңештин мүчөсү, Кытайдын тышкы иштер министри Ван И мырза бүгүн журналисттерди суроолоруна жооп берип жатып билдирди.

“Биз кытай компанияларынын жана Кытайдын жарандарынын кызычылыктарын, алардын мыйзамдуу укуктарын бекем коргойбуз деген ниеттебиз”, – деп билдирген Ван И мырза маалымат жыйында.

АКШ менен Австралия Huawei компаниясын өзүнүн жабдуулары менен чыккынчылык жана купуя маалыматтарды чогултуу боюнча айыптагандан соң экономикалык санкция коркунучуна туш болгон.