Коронавирустан эки бейтап каза болуп, дагы 40 адамдан табылды

Кыргызстанда бүгүн 18-декабрга карата коронавирус дагы 40 адамдан аныкталды. Бул тууралуу Республикалык штаб билдирди.

Аймактра боюнча алганда Бишкек шаарында – 21, Чүй облусунда – 5, Ош облусунда – 3, Талас облусунда – 1, Ысык-Көл облусунда – 3, Жалал-Абад облусунда – 7 адамдан илдет табылган.

Ал эми бир суткада 42 адам илдеттен сакайып чыкты, эки бейтап каза болду.

Бүгүнкү күндө стационарларда коронавирустан 294 бейтап, амбулатордук түрдө 357 адам дарыланууда.

Кыргызстанда пандемия башталгандан бери 184 миң 163 адам коронавирус жуктурган. Алардын ичинен 179 миң 247 киши айыгып чыкса, 2 миң 781 адам каза болду.