Биз менен байланышыңыз

УКМК: Kорея Кыргызстандагы киберкоопсуздук боюнча долбоорду каржылайт

Кыска кабар | 13 Сен 2021 | 424 | 0

Корея эл аралык кызматташтык агенттиги Кыргызстандагы киберкоопсуздук боюнча долбоорду каржылайт. «Кыргызстанда компьютердик чабуулдарга ыкчам чара көрүү борборун (SOC) түзүү» гранттык долбоорун ишке ашыруу боюнча талкуулоо протоколуна УКМК менен Корея эл аралык кызматташтык агенттиги кол койду.

Ага УКМКнын төрагасы Камчыбек Ташиев, Кореянын Кыргызстандагы элчиси Ли Вонжэ жана KOICA өкүлчүлүгүнүн Кыргызстандагы директору Ли Жонгсу катышты.

«Кыргызстанда компьютердик чабуулдарга ыкчам чара көрүү борборун (SOC) түзүү» долбоору өлкөдөгү киберкоопсуздукту бекемдөөгө багытталган.

KOICA долбоорунун алкагында SOC борборунун өзөгүн түзүү, жабдуулар жана программалар менен камсыздоо, мамлекеттик органдардын киберкоопсуздугун коргоо жана адамдык мүмкүнчүлүктөрдү өнүктүрүү боюнча чечимдерди жайылтуу мерчемделүүдө.

Каржысы 5 млн долларды түзгөн долбоордун иштөө мөөнөтү — 5 жыл (2021-2025).

Copyright © 2017 Maral FM