Билим берүү жана илим министри Алмазбек Бейшеналиев кызматтан кетти

Болотбек Купешев Билим берүү жана илим министри болуп дайындалды. Бул тууралуу жарлыкка президент Садыр Жапаров 5-майда кол койду.

61 жаштагы Болотбек Купешев министрлик кызматка келгенге чейин Бишкек шаарындагы №69 мектеп-гимназиясынын директору, Бишкек шаарынын Октябрь районунун акими, Бишкек шаардык кеңешинин депутаты, Ысык-Көл облусундагы Ак-Суу районунун акими, Соода-өнөр жай палатасынын түндүк аймактар менен иштешүү департаментинин жетекчиси кызматтарын аркалаган.

Эскертсе кетсек, бүгүн, 5-майда Садыр Жапаров жаңы Башмыйзамга кол коюп, Министрлер кабинетинин түзүмүн бекитти.

Билим берүү жана илим министри кызматын буга чейин Алмазбек Бейшеналиев аркалаган.