Өткөн жумада 3 миң 63 жол эрежесин бузуу катталган

Чүй облусунда 26-апрелден 2-майга чейинки аралыкта айдоочулар тарабынан 3 миң 63 жол эрежесин бузуу катталган. Бул тууралуу облустук ички иштер башкармалыгы билдирди.

Маалыматка ылайык, алардын ичинен 11 айдоочу мас абалында, 1 миң 160ы катуу ылдамдыкта, 17си айдоочулук күбөлүгү жок унаа башкарган. Калган 44 унаа айып аянтчасына киргизилген.

Чүй облустук ички иштер башкармалыгы жарандарды жол эрежесин бузбоого чакырат.