Венгриянын Бишкектеги элчилиги Европанын бир катар өлкөлөрүнө виза берет

Бишкек шаарында Венгрия элчилигинин ишмердиги кеңейип, жакынкы мезгилде Европанын бир катар өлкөлөрүнө виза берип баштайт. Бул тууралуу Венгриянын Тышкы иштер жана соода министри Петер Сийярто президент Садыр Жапаров менен болгон жолугушуусунда билдирди.

Петер Сийярто Венгриянын Кыргызстан менен стратегиялык мамилелеринин жогорку деңгээлин кармоо үчүн бардык күч-аракетин жумшай турганын белгиледи.

Мындан сырткары министр эки өлкөнүн тышкы иштер боюнча мекемелеринин жетекчилеринин деңгээлинде Бишкек-Будапешт түз аба каттамдарын ачуу маселеси жигердүү иштелип жатканын кошумчалады.