Борбордук текшерүү комиссиясынын төрагалыгына арыздар 17-февралдан тарта кабыл алынат

17-февралдан тарта Кыргызстан мусулмандарынын Борбордук текшерүү комиссиясынын төрагалыгына талапкерлердин арыздарын кабыл алуу башталат. Бул тууралуу муфтияттан билдирди.

Кыргызстан мусулмандарынын Аалымдар Кеңеши ушул жылдын 11-февралында жыйын өткөрүп, анда 5-апрелде Кыргызстан Мусулмандарынын VII Курултайын өткөрүү боюнча токтом кабыл алынган.

Кыргызстан мусулмандарынын Борбордук текшерүү комиссиясынын төрагалыгына талапкер катары катталуу үчүн коюлган талаптар:

1. Кыргыз Республикасынын Конституциясы, мыйзамдары жана демократиялык коомдун негизги принциптери жөнүндө кеңири түшүнүгү бар;
2. Салтуу Ислам болуп саналган Матуриди акыйдасын жана Ханафий мазхабын карманган;
3. Жогорку финансылык билимге ээ;
4. Куран, тафсир, акыйда, хадис, фикх жана башка Ислам негиздерин жетиштүү деңгээлде билген (талапкерге артыкчылык берилет);
5. Адеп-ахлагы бийик, адилеттүү, адамгерчиликтүү, такыба, гумандуу, чынчыл жана калыс;
6. Тиешелүү мамлекеттик органдар тарабынан мурда соттолбогон;
7. Эч кандай саясий партияларга мүчө болбогон;
8. Мамлекеттик финансылык кызматтарда же мамлекеттик эмес финансылык мекемелерде беш (5) жылдан кем эмес иштеген;
9. Уюштуруучулук жана жетекчилик жөндөмү бар;
10. Мамлекеттик тилде эркин сүйлөгөн жана жаза билген Кыргыз Республикасынын ар бир жараны Кыргызстан мусулмандарынын Борбордук текшерүү комиссиясынын төрагалыгына талапкер катары каттала алат.

Каттоого катышуу үчүн керектүү документтер:

1. Талапкердин Каттоо комиссиясынын төрагасынын наамына жазган арызы;
2. Кадрларды каттоо баракчасы 4 даана ¾ өлчөмүндө сүрөтү менен (Личный листок) байланыш маалыматтары, жашаган дареги сөзсүз түрдө көрсөтүлүшү керек);
3. Паспортунун көчүрмөсү (ID карт) ;
4. Резюме (илимий жетишкендиктерине, иш тажрыйбасына жана алган сыйлыктарына басым жасалат);
5. Мүнөздөмө (акыркы иштеген мекемесинен);
6. Жогорку финансылык билимин тастыктоочу документтердин көчүрмөлөрү;
7. Эмгек китепчесинин көчүрмөсү
8. Соттолбогондугу тууралуу аныктама каты.

Документтер төмөнкү даректе кабыл алынат:

Бишкек шаары, Гоголь көчөсү 57, КМДБнын / Муфтияттын имараты, 2-кабат. КМ Аалымдар Кеңешинин катчылык бөлмөсү.

Кабыл алуу убактысы: Ишемби, жекшембиден сырткары бардык күндөрү саат: 11:00 – 16:00.

Документтер aalymdar.keneshi@gmail.com электрондук почтасы аркылуу да кабыл алынат. Электрондук дарекке жиберүү жолу менен катталгандар документтеринин түп нускаларын (оригиналдарын) 17-мартка чейин делонун ичинде тапшырууга тийиш. Документтерди алып келген адам үчүн талапкердин ишеним каты талап кылынат.

Сурап-билүү телефону: + 996 (702) 559684; + 996 (777) 881122;

Документтерди тапшыруу мөөнөтү:

2021-жылдын 17-февралынан тартып, 2021-жылдын 17—март күнү саат 18:00гө чейин.

Эскертүү: Коюлган талаптарга жооп бербеген документтер каттоого алынбайт.