Санитардык талаптарды сактабаган мектеп, ЖОЖ, бала бакчалар жабылат

Санитардык талаптарды сактабаган мектеп, ЖОЖ, бала бакчалар жабылат. Бул тууралуу Саламаттыкты сактоо министри Алымкадыр Бейшеналиев «Маралга» берген маегинде билдирди.

«Биз аталган мекемелерди ачуу үчүн көпкө ойлондук. Жоопкерчилик алып жатканда алгоритмдерди иштеп чыгып, Билим берүү жана илим министрлиги менен сүйлөштүк. Бүгүнкү күндөн баштап биздин адистер мекемелерге чыгып, эержелердин сакталышын көзөмөлдөйт. Эгерде сакталбаса, айып пул салып, мекемени жабабыз», — дейт министр.