Жалал-Абад шаарынын мэрин шайлоо күнү жылдырылды

Борбордук шайлоо комиссиясынын маалыматына ылайык, Жалал-Абад шаарынын мэрин шайлоо башка күнгө, тактап айтканда, 3-декабрга жылдырылды.

Белгилей кетсек, Жалал-Абад шаарынын мэрин шайлоо 17-ноябрда өтмөк. Бирок жалгыз талапкер катары катталган Эрнисбек Ормоков катышуудан баш тарткандыктан, шайлоо мөөнөтүн кийинкиге жылдыруу чечими кабыл алынган.

Жеке ишкер Эрнисбек Ормоков 4-октябрда өткөн парламенттик шайлоого «Мекенчил» партиясынан талапкер катары катышкан.

Жалал-Абад шаарынын мурунку мэри Мураталы Тагаев 6-октябрда өлкөдөгү башаламандыктардан улам өз каалоосу менен кызматтан кеткен.