Токаев Жо Байденди шайлоодогу жеңиши менен куттуктады
Казакстандын Президенти Касым-Жомарт Токаев Жо Байденди жеңиши менен куттуктады. Бул тууралуу ал өзүнүн «Твиттер» баракчасына жазды.
«Жо Байденди Америка Кошмо Штаттарынын Президенти болуп шайланышы менен чын жүрөктөн куттуктайм. Эки мамлекеттин ортосунда эки тарапты кызыктырган тармактарда жемиштүү кызматташууга үмүттөнөбүз» , — деп жазган Токаев.
Ошондой эле Байдендин жеңиши менен бир катар дүйнө лидерлери куттукташты, алардын арасында Германиянын канцлери Ангела Меркел, Франциянын президенти Эммануэль Макрон, Улуу Британиянын премьер-министри Борис Джонсон, АКШнын экс-президенти Барак Обама жана башкалар бар.
Белгилей кетсек, Кошмо Штаттардагы президенттик шайлоо 3-ноябрда болуп өткөн. Бул жолку шайлоодо көпчүлүк почта аркылуу добуш бергени үчүн аларды эсептөө убакытты көп алганы айтылууда.
Жо Байден АКШнын 59-жолу өткөрүлүп жаткан президенттик шайлоосун жеңип, өлкөнүн 46-президенти болду. Ал эми Дональд Трамп АКШ тарыхындагы бир гана мөөнөт (4 жыл) иштеген президент болуп калмакчы. Байден учурда 78 жашта.
Бишкекте 5 автобус айдоочусу каттамдан четтетилди
Үзүр Жусупбеков Париж Олимпиадасына катышууга жолдомо утту
Руслан Акундун “Бейиш эненин таманында” тасмасы III Эл аралык кинофестивалдын Гран-приси менен сыйланды
Кыргызстандын тоолуу райондорунда сел жүрүшү мүмкүн
Түндүк-Түштүк альтернативдик жолу тазаланууда
Президент пенсия боюнча бир катар өзгөртүүлөрдү камтыган мыйзамга кол койду
Грин-карта утуп алган кыргызстандыктарды АКШда эмнелер күтөт?
Бишкек ЖЭБиндеги аварияда жабыркагандардын дарылануусу курортология институтунда уланат
«Кабыргалары сынган». Акыйкатчы жоокерлердин укугун коргоону талап кылды
