Биз менен байланышыңыз

Байыш Юсупов Ош облусуна жетекчи болуп дайындалды

Кыска кабар | 17 Авг 2020 | 189 | 0

Өкмөттүн Ош облусундагы өкүлү болуп Байыш Юсупов дайындалды. Бул тууралуу өкмөттүн облустагы өкүлчүлүгүнүн маалымат кызматы билдирди.

Юсупов эмгек жамаатына расмий түрдө бүгүн, 17-августта тааныштырылат.

Ал буга чейин өкмөттүн Ош облусундагы өкүлүнүн биринчи орун басары болуп иштеп келген. Ушул жылдын 10-августунан баштап облустун мурдагы башчысы Узарбек Жылкыбаев кызматынан кеткенден кийин анын милдетин убактылуу аткарып жаткан.

Ал эми мурдагы жетекчи Узарбек Жылкыбаев 8-августта өз арызынын негизинде кызматтан кеткен. Анын «Республика» партиясы менен  парламенттик шайлоого катыша турганы белгилүү болгон.

Юсупов 1957-жылы 5-январда Кара-Суу шаарында туулган. 1979-жылы Россиядагы Ивановск текстиль институтун инженер-технолог кесиби боюнча аяктаган. 2002-жылы Ош технологиялык университетинин бухгалтердик эсеп жана аудит бөлүмүн бүтүргөн. Экономика илимдеринин кандидаты. Милициянын майору. 2001-жылы «Даңк» медалы менен сыйланган.

Үй-бүлөлүү, 5 баланын атасы.

Иниси Сейитбек Акматов Ош айыл чарба институтунун ректору. Карындашы Санта Акматова бала бакчанын жетекчиси, 2008-2012-жылдары Ош шаардык кеңешинин депутаты жана вице-спикери болгон.

Эмгек жолу:

— 1979-1988-жылдары Октябрдын 50 жылдыгы атындагы Ош текстиль комбинатында мастер, улук мастер, цехтин жетекчиси, өндүрүштүн башчысы;

— 1988-1989-жылдары Ош облустук элдик көзөмөл комитетинин инспектору;

— 1989-1993-жылдары Кара-Суу шаарындагы пахта заводунун директору;

— 1993-2009-жылдары Кара-Суу шарындагы «Ак-Алтын» акционердик коомунун башкаруучуларынын төрагасы;

— 2009-2012-жылдары Кара-Суу районунун акими;

— 2013-жылдан бери өкмөттүн Ош облусундагы өкүлүнүн биринчи орун басары.

Copyright © 2017 Maral FM