Үсөнбаев: Февралдан бери өпкөнүн сезгенип оорусу боюнча 119 учур катталды

Ушул жылы февралдан тарта ооруканадан сырткары өпкөнүн сезгенип оорусу (пневмония) боюнча катталган учурлардын жалпы саны 119га жетти. Бул тууралуу саламаттыкты сактоо министринин орун басары Нурболот Үсөнбаев билдирди.

Алардын ичинен:

Февраль айында 37 учур катталып, 2 бейтап каза болгон;
Март айында 31 учур катталып, 1 бейтап каза болгон;
Апрель айында 23 учур катталып, 7 бейтаптан ПЧР-диагностикасына анализдер алынып, бардыгынын жыйынтыгы терс чыккан;
1-майдан 16-майга чейин 28 учур катталып, ПЧР-анализинин жыйынтыгы менен 2 бейтаптан Covid-19 аныкталган. Алар жугуштуу оорулар ооруканасына жаткырылган.