Айбек Молдогазиев Кыргызстандын АКШдагы элчиси болду

Айбек Молдогазиев Кыргызстандын АКШдагы элчиси болуп дайындалды. Тиешелүү Жарлыкка президент Садыр Жапаров кол койду.

Кыргызстандын АКШдагы элчилигин буга чейин Бактыбек Аманбаев жетектеген. Ал президент Садыр Жапаровдун Жарлыгы менен быйыл 25-октябрда кызматтан бошотулган.

Айбек Молдогазиев 1995-жылдан бери Тышкы иштер министрлигинде иштейт. «Кыргыз Республикасынын атайын жана ыйгарым укуктуу элчиси» дипломатиялык рангы бар, ал Тышкы иштер министрлигинин департаментинин атташесинен директоруна чейинки дипломатиялык баскычтарын өткөн.

2009-жылы президенттин администрациясынын тышкы саясат бөлүмүн жетектеген.

2017-жылдын августунан баштап Кыргызстандын БУУдагы туруктуу өкүлчүлүгүндө кеңешчи — кичи элчи, 2021-жылдын февраль айынан баштап Тышкы иштер министрлигинин юридика бөлүмүнүн башчысы болуп иштеген.