Өзбекстанда вирусту жуктургандардын саны 2094кө жетти

Өзбекстанда 2-майга карата коронавирусту жуктургандардын саны 2094кө жетти. Бул тууралуу Саламаттыкты сактоо министрлигинин күнүмдүк отчетунда шилтеме берип жергиликтүү басылмалар жазды.

— Өзбекстанда 2-май саат 10.00гө карата коронавирустук инфекциянын саны 2094кө жетти , — деп айтылат билдирүүдө.

Ошондой эле, Кашкадария жана Жиззах облустарында коронавирусту жуктурган бардык бейтаптар оорудан айыгып, ооруканалардан чыгарылды.

Эске салсак, өлкөдө 1212 адам коронавирустук инфекциядан толук айыгып, 9 адам көз жумган.