Камсыздандыруу төгүмдөрү боюнча отчетту 1-июлга чейин берүүгө болот

Камсыздандыруу төгүмдөрүн төлөөчүлөр 2020-жылдын 1-мартынан баштап 31-майына чейинки отчеттук мезгил үчүн мамлекеттик социалдык камсыздандыруу каражаттары боюнча отчетту 2020-жылдын 1-июлуна чейин берүүгө укуктуу. Мындай токтом өкмөт тарабынан 20-апрелде кабыл алынды.

Ошол эле учурда камсыздандыруу төгүмдөрун кечиктирип төлөгөндүгү үчүн 2020-жылдын 1-мартынан 31-майына чейинки отчёттук мезгил үчүн өнбөгөн калдыктардын суммасына туум эсептелбейт.

Бул чаралар коронавирустун өлкөдө жайылышын болтурбоо боюнча чектөө чараларын киргизүүнүн натыйжасында экономикалык иштин субъекттерине колдоо көрсөтүү максатында кабыл алынган.