Биз менен байланышыңыз

Кыргызстандагы кытай жарандарынын ден соолугун кайрадан текшерүү сунушталды

Кыска кабар | 26 Фев 2020 | 92 | 0

Кыргызстанда иштеген кытайлык жарандарды кайра медициналык текшерүүдөн өткөрүү сунушталды. Жогорку Кеңештин депутаты Камчыбек Жолдошбаев парламенттин жыйынында демилге көтөрүп, коронавирустун алдын алуу максатында сунуш киргизди.

-Кытайда бир аялды 8 жолу текшергенде таза чыгыптыр. 9-жолкусунда коронавирус жуктурганы аныкталыптыр. Бизде Солтон-Сарыда, Дордойдо иштеп жүргөн кытай жарандары бар. Аларды да кайрадан текшерүүдөн өткөрүү керек.  

Министр Космосбек Чолпонбаев жер-жерлердеги кытайлык ишканалар текшерилип жатканын айтты. Көпчүлүк кытайлыктар көптөн бери Кыргызстандан чыга электигин, алардын жашаган жериндеги санитардык-эпидемиологиялык абал көзөмөлдөнүп жатканын кошумчалады.

Copyright © 2017 Maral FM