Күрөш: Атабек Азизбеков дүйнө чемпионатында коло байге үчүн таймашууда

Кыргызстандын грек-күрөшүнүн балбаны Атабек Азизбеков Казакстандын Нур-Султан шаарында өтүп жаткан Дүйнө чемпионатында 97 кило салмакта көңүл жубатуучу этапта түркмөн балбанын 6:0 эсебинде утту. Эми бул этапта кытайлык Жунжие НА менен кармашат.

Ушул күндөрү спорттук күрөш боюнча Дүйнө чемпионаты Казакстандын Нур-Султан шаарында өтүп жатат. Анда ар бир салмакта 1-ден бешинчиге чейинки орунду камсыздаган балбандарга 2020-жылы Токиодо өтүүчү Олимпиада оюндарына жолдомо берилет.