Нигерияда президенттик шайлоонун мөөнөтү артка жылды

Нигериянын көз карандысыз улуттук шайлоо комиссиясы президенттик шайлоонун мөөнөтүн бир жумага жылдыруу чечимин бүгүн 16-февралда кабыл алды. Себеби катары шайлоону ачык-айкын өткөрүүгө даярдыктар толук бүтпөгөндүгү айтылууда.

Шайлоо комиссиянын 15-февралдагы текшерүүдө көпчүлүк шайлоо участкаларында мүчүлүштүктөр чыккан. Мындан улам добуш берүүгө 8 саат калганда анын мөөнөтүн 23-февралга жылдырды.

Эске салсак, Негерияда президенттик шайлоо бүгүн 16-февралга белгиленген. Өлкө башчылыкка 91 саясий патиядан 73 талапкер ат салышууда. Алардын арасында учурдагы президент 76 жаштагы Мухаммед Бухари да бар.