2018-жылы мамлекеттик сатып алууга 79 млрд сом жумшалган

2018-жылы Кыргызстандын мамлекеттик органдары товарларды жана кызмат көрсөтүүлөрдү сатып алуу учун жалпысынан 79 миллиард сом жумшаган. Бул тууралуу Мамлекеттик сатып алуулар порталы жарыялады.

Маалыматка ылайык, өткөн жылы 79 млрд сомдук 107 190 конкурс жарыяланган. Ал эми 2017-жылы 105 770 конкурс-тендер жарыяланып, 72,7 млрд сом жумшалган.

Мамлекеттик сатып алууларга эң көп каржат 2015-жылы сарпталып, 126,4 млрд сом коротулган. Бул үчүн болгон 20миң 200 гана тендер жарыяланган.