«Европа аймагындагы 53 өлкөдөгү вирустун жайылуу темпи олуттуу тынчсызданууну жаратууда. COVID-19ду жугузуп алгандардын саны кайрадан рекорддук деңгээлге жакындап баратат. Европада жана Борбор Азияда коронавирустун «Дельта» варианты үстөмдүк кылууну улантууда», — деген Ханс Клюге.
Ал мындай жагдайга эмдөөнүн солгун жүрүшү жана коомдук жайларда санитардык эрежелердин сакталбай жатышы себеп болгонун белгиледи.
Соңку апталарда Европанын чыгышындагы жана түштүгүндөгү Румыния, Украина сыяктуу бир катар мамлекеттерде коронавирусту жугузуп алгандардын саны өсүүдө.
