Азиз Суракматов кызматына кайтып келди

Бишкек шаарынын мэри Азиз Суракматов кайрадан кызматына кайтты. Аны шаардыктар колдоого алып, мэриянын алдынан тосуп алышты.

Суракматов келген элге ыраазычылыгын билдирди.

— Баарыңарга ырахмат. Мен ойлогон эмесмин ушунча киши колдоп келерин. Эрте менен балдар чалышты: «Мэрияда эл чогулуп жатат» — деп, ырахмат силерге. Азыр шаарда абал оор болуп, мына, COVID көбөйүп жатат. Жылуулукту да бериш керек. Морадерлук күч алды. Мына ушунун бардыгын азыр вице-мэрлер менен чогулуш өткөрүп, шаарда тартипти орнотобуз, — деди Суракматов.

Бишкек шаарынын мэри 5-октябрдагы нааразылык акциясынан кийинки төңкөрүштөн улам кызматтан кетүү тууралуу арызын жазган. Бирок, шаардык кеңеш анын арызын кабыл алган эмес.