Парламент Карыбек Дүйшеевдин отставкасын колдоду

Бүгүн, 2-февралда Жогорку Кеңештин жалпы жыйынында Конституциялык соттун төрагасы Карыбек Дүйшеевдин арызы каралып, депутаттардын колдоосун тапты.

Кечээ Конституциялык мыйзамдар, мамлекеттик түзүлүш, сот-укук боюнча комитет да анын отставкасын колдогон.

Кызматтан кетүү арызын Карыбек Дүйшеев өзү жазып, аны парламентке өлкө президенти Садыр Жапаров сунуштаган.

Карыбек Дүйшеев бул кызматка 2019-жылдын 20-июнунда 7 жылдык мөөнөт менен шайланган.

Мыйзам боюнча Конституциялык соттун төрагасын бошотуу Судьялар кеңешинин чечими, президенттин сунушу менен ишке ашат.

Жыйынтыгында президенттин сунушу Жогорку Кеңеште колдоо таап, Дүйшеевдин арызы канааттандырылды.

"Марал радиосу" Телеграмда

"Марал радиосу" Инстаграмда

Жарнама

Айпери Жумабай кызы

Пикир калтырыңыз

Марал Радиосу