Билл Гейтс: Коронавирустан кийин да эки апаат келиши ыктымал

«Microsoft» компаниясынын негиздөөчүсү Билл Гейтс пандемиядан кийин адамзат климаттык өзгөрүүдөн жана биотеррордон жабыр тартышы ыктымал деп эсептейт. Бул тууралуу миллиардер жергиликтүү басылмаларга берген маегинде билдирди.

«Адам баласы кабылуучу эки жагдайдын бири — климаттык өзгөрүү. Мындай абалга дүйнө жүзү азырынча даяр эмес. Бул фактордун таасиринде адамдын өлүмү пандемияга салыштырмалуу көп катталышы мүмкүн. Ал эми экинчи жагдай — биотеррорчулук. Мында кимдир бирөө адамдарга залал келтирүүнү кааласа, ал үчүн вирус ойлоп табышы ыктымал», — деген Билл Гейтс.

Гейтс, бул жагдай адамзатка чоң зыян келтириши мүмкүндүгүн кошумчалады.