Дарыгерден коронавирус табылган №13 Үй-бүлөлүк медицина борбору ишин жандантат

№13 Үй-бүлөлүк медицина борбору (ҮМБ) эртең, 19-апрелден тарта ишин жандандырат. Учурда поликлиникада тазалоо иштери жүргүзүлүп, кайра иштөөгө даяр болду. Бул тууралуу бүгүн Өкмөттө өткөн брифингде cаламаттыкты сактоо министринин орун басары Нурболот Үсөнбаев билдирди.

— Поликлиниканын аймактык дарыгери жугуштуу оорулар ооруканасында дарыланып жатат. Ал үй карантинде болгон, кийин андан коронавирус табылган. Азыр ал дарыгерден эки жолу COVID-19 вирусуна анализдер алынып, жыйынтыктары терс болуп чыкты. Ленин районундагы ҮМБ жетекчилиги чечим чыгарып, №13 ҮМБ кызматкерлеринин жана ал жакка караштуу калктын коопсуздугу үчүн дарыгерди үй карантинине жиберишкен. 19-апрелден баштап №13 ҮМБ штаттык тартипте иштей баштайт, — дейт Нурболот Үсөнбаев.