Көчөдөн үйгө кайтканда кайсы эрежелер сакталууга тийиш?

Коронавирус менен күрөшүү республикалык штабы жарандарды оорунун жайылышына жол бербөө максатында, көчөдөн үйгө киргенде төмөнкү эрежелерди сактоого чакырат:

Бут кийимди кире бериште чечүү жана калтыруу;
Кир колдор менен эч нерсени кармабоо;
Сырткы кийимди кире бериште калтыруу;
Эгерде сиз үй жаныбарыӊыз менен сейилдеп келсеӊиз, анын тамандарын да тазалаӊыз;
Ачкыч жана капчыкты өзүнчө текчеге же кутуга коюӊуз;
Душка түшүп, же денеӊиздин ачык бөлүктөрүн жууӊуз;
Уюлдук телефонуӊузду жана көз айнегиӊизди курамында спирт бар каражат менен тазалап сүртүӊүз;
Кол каптар менен беткаптарды кескилеп, капкагы менен жабыла турган кутуга ыргытыӊыз.