Өкмөт жарандардын өтө маанилүү маселелерин чечүүгө артыкчылык берет

Премьер-министр Мухаммедкалый Абылгазиев Кыргыз Республикасынын мамлекеттик органдарынын коомдук кеңештеринин жыл сайын өтүүчү жыйынына катышты.

Өкмөттүн маалымат кызматы кабарлагандай, премьер коомдук кеңештер институту аркылуу жарандар мамлекеттик органдардын жетекчилерине жеткире албай келген көптөгөн маселелер аныкталарын айтты.

Ал мамлекеттик органдардын коомдук кеңештери бул — мамлекеттик чечимдин кабыл алынышын талап кылган, көйгөйлүү маселелерди ачык жана түздөн-түз көрсөтө турган коомдун өкүлдөрү экендигин белгиледи.