Биз менен байланышыңыз

ТИМ Гонконгдон дагы 27 кыргызстандык студентти алып чыгып кетти

Кыска кабар | 20 Ноя 2019 | 118 | 0

Нааразычылык акциялары жүрүп жаткан Кытайдын Гонконг шаарынан кыргызстандык дагы 27 студент мекенине кетти. Бул тууралуу өлкөнүн Тышкы иштер министрлигинин маалымат департаменти билдирди.

Алар 18 — 19-ноябрда Гонконг — Алматы — Бишкек жана Гонконг — Москва — Бишкек багыты боюнча учушкан. Студенттерди аэропортко чейин алып келүүгө кеткен каражатты Кыргызстандын Гуанчжоу шаарындагы башкы консулдугунда иштеген кызматкерлер төлөп берген.

Гонконгдо калган 12 студент 21-22-ноябрда учуп келери маалыматта айтылат.

Кыргызстандыктар Гонконгдогу Сянган административдик аймагынан нааразычылык акцияларынан жана башаламандыктан улам чыгып кеткен. Жалпысынан ал жакта кыргызстандык 42 студент билим алат. 15-ноябрда алардын үчөө Кыргызстанга келген.

Быйыл июнь айында бийлик экстрадиция боюнча мыйзам долбоорун сунуштагандан кийин Гонконгдо массалык башаламандык башталган. Андан бери 3 миң киши кармалып, 1,5 миң киши түрдүү жаракат алган. 400дөн ашык полиция да жабыркаган. Гонконгдун бийлиги мыйзам долбоорун чакыртып алган, бирок каршылык акциялары токтой элек.

Copyright © 2017 Maral FM