«Түндүк – Түштүк» альтернативдик жолу 2022-жылы пайдаланууга берилет

«Түндүк – Түштүк» альтернативдик жолунун курулушу 2022-жылы аяктайт. Бул тууралуу Транспорт жана жолдор министрлигинин Долбоорлорду ишке ашыруу тобунун инженер-жолчусу Замир Искаков билдирди.

Анын айтымында, «Түндүк – Түштүк» альтернативдик жолу 3 фазага бөлүнгөн. Биринчи фазада 150,9 чакырым жол жана 3,8 чакырым туннель (Көк-Арт туннели) куруу каралган.

Экинчи фазадагы жолдун узундугу 99 чакырымды түзөт. Жалпы узундугу 1 миң 472 метрди түзгөн эстакадалык көпүрө да курулат.

Үчүнчү фазадагы жолдун узундугу 69,7 чакырымды түзөт. Аны 2022-жылы аяктоо пландалууда.