«Көк-Жар» кичирайонунда жаңы эс алуу жайы ачылды

Бишкектин «Көк-Жар» кичирайонунда жаңы эс алуу жайы ачылды. Бул тууралуу Бишкек шаардык мэриясынын маалымат кызматы билдирди.

Долбоор «Сорос-Кыргызстан» фондунун колдоосу менен ишке ашкан. Эс алуу жайында сырткы жарыктандыруу, 5 үстү жабык, 5 үстү ачык отургучтар, 10 жыгачтан жасалган отургуч жана таштанды урналары орнотулуп, эс алууга бардык шарттар түзүлгөн.

Ошондой эле, Бишкек шаардык мэриясы шаар тургундарынан жаңы курулган эс алуу багындагы кооздукту бузбоого чакырды.