Түркияда өткөн фестивалда алты өспүрүм байгелүү орунга ээ болду

Кыргызстандык өспүрүмдөр III Эл аралык балдар балет фестивалына катышып кайтышты. Бул тууралуу Бишкек Хореография окутуу борборунун маалымат кызматы билдирди.

Жарыш Анталияда 6-7-апрель күндөрү өткөрүлдү. Сынакка Түркия, Орусия, Кыргызстан, Украина өлкөлөрүнөн 8-17 жаш аралыгындагы 283 жаш жеткинчек барган. Биздин өлкөнүн атынан катышкан 16 өспүрүмдүн алтоосу байгелүү орундарга ээ болуп, атайын сыйлыктар менен сыйланышты.