Министрлик форумдагы ката боюнча үн катты

Билим берүү жана илим министринин орун басары Надира Жусупбекова ректорлор форумундагы ката боюнча “Марал” радиосуна комментарий берди.

Анын айтымында, министрликтин адистери сүйлөмдү туура жазып берген. Ката басмакана тарабынан кетирилген.

«Ректорлордун I форуму өттү. Албетте, трибунадагы каталар мени да капалантты. Айта кетчү жагдай, ал бизден эмес, басмаканадан кеткен ката. Коомчулукка айтарым, бир ката үчүн форумдун жакшы жагдайларын көз жаздымда калтырбасак…», — деди Жусупбекова.

Эске салсак, кечээ Кыргызстан — Орусия ЖОЖдорунун I Форуму болуп өтүп, андагы трибунанын алдына жазылган сүйлөмдөгү каталар коомчулукта катуу талкуу жараткан.