Митинг өткөргөндөр парламент спикери Жумабеков менен жолугушту

Бишкектеги борбордук аянтта митинг өткөргөндөр Жогорку Кеңештин спикери Дастанбек Жумабеков менен жолугушту. Буга чейин өз талаптарын айтуу максатында чогулгандардын бешөө парламентке кеткени кабарланган.

Эске салсак, митингге чыкканжардын ичинен 10-15тей кишини кармап кеткен. Алар Ак үйгө кирүүгө аракет кылган.

200дөй киши борбордук аянтта бүгүн 13.00гө чейин митинг өткөрүүгө уруксат алышкан. Алар өлкөдө мыйзамсыз жүргөн кытай жарандары жана жаңыдан күчүнө кирген мыйзамдарга каршы ойлорун билдиришти.