Биз менен байланышыңыз

Кыргызстан менен Казакстандын президенттери сүйлөшүштү

Кыска кабар | 28 Дек 2018 | 140 | 0

Кыргызстандын президенти Сооронбай Жээнбеков менен казак мамлекет башчысы Нурсултан Назарбаев телефон аркылуу сүйлөшүштү. Бул тууралуу президенттин маалымат кызматы кабарлады.

Маалыматка ылайык, эки өлкө башчы 2018-жылдагы кыргыз-казак мамилесинин жакшы нукта өнүккөнүнө канааттанганын билдиришти.

Ошону менен бирге президенттер бири-бирин жана боордош эки элди 2019-жаңы жылы менен куттуктап, тынчтык жана өнүгүү каалашты.

Эске салсак, кечээ ушундай эле сүйлөшүү Сооронбай Жээнбеков менен түркмөнбашы Гурбангулы Бердимухаммедовдун ортосунда орун алды.

 

Copyright © 2017 Maral FM