Дарыгердин жасаган корс мамилеси интернетке тарап, кызматтан алынды

Сузак районунун Благовещенка айылынын үй-бүлөлүк дарыгери интернетке тараган видеодогу корс мамилеси үчүн кызматтан алынды. Бул тууралуу Саламаттыкты сактоо министрлигинен кабарлашты.

Министрликтин тапшырмасы менен Сузак районундагы үй-бүлөлүк дарыгерлер борборунда териштирүү иштери жүргүзүлгөн. Анын жыйынтыгында А.Э. аттуу педиатр кызматтан алынган.

Ошондой эле борбордун башка кызматкерлерине да түшүндүрүү иштери жүргөн.

Эскерте кетсек, социалдык тармакка балдарын алып келген ата-энелерге корс мамиле кылып, оорулууларды кабыл албай жаткандагы тасма тараган болчу.