Экс-президент Атамбаев Орусиядан кайтып келди

Мурдагы президент Алмазбек Атамбаев Кыргызстанга кайтып келди. Бул тууралуу КСДП партиясынын басма сөз кызматкери Кундуз Жолдубаева маалымдады.

Анын белгилешинче, партиянын Атамбаев жетектеген делегациясы саясий партиялардын эл аралык жыйынына катышып, Бишкекке кайтып келди.

Эскерте кетсек, экс-президент 22-октябрда Орусияга жеңесинин тажыясына жана саясий партиялардын эл аралык жыйынына катышуу үчүн жол тарткан. Анын сапары Икрамжан Илмияновдун камакка алынганына дал келгени үчүн коомдо “өлкөгө кайтып келбеши мүмкүн” деген да күмөндөр болгон.