Кайрат Осмоналиев Кыргызстандын Азербайжандагы элчиси болду (өмүр баяны)

Кайрат Осмоналиев — Борбордук шайлооо комиссиясынын мүчөсү.

Кайрат Осмоналиев Орусиянын Омск шаарында 1973-жылы туулган. Жогорку билимдүү.

Билими:

РФнын ИИМдин Омск шаарындагы милициялык жогорку окуу жайды (учурда Орусия ИИМнин Омск академиясы) 1994-жылы артыкчылык диплому менен аяктаган.

1994-1997-жылдары Москва шаарында РФ ИИМдин алдындагы Башкаруу академиясынын илимий-педагогика факультетинде окуган.

Окумуштуулук даражасы:  — юридика илимдеринин доктору (2005-ж., Москва); ошол эле шаарда кандидаттык диссертациясын РФ ИИМдин башкаруу Академиясында жактаган (1997-ж.), профессор (2012-ж.);

Орусиядагы Табигый илимдер академиясынын мүчө-корреспонденти (2015-ж.);

КР билим берүүнүн отличниги (2001-ж.).

Тажрыйбасы:

2010-жылдан бери (ушул кезде да) — Тышкы иштер министрлигине караштуу Дипломатиялык академияда проректор;

2008-2010-жылдары — Европа Биримдигинин «КР сот системасын реформалоо» долбоорунда негизги эксперти;

2006 -2008-жылдары – ИИМдин Административдик укук академиясында кафедра башчы, басма сөз катчы, Ички иштер министринин жардамчысы;

2005-жылы –  БУУнун баңгизат кылмыштарын көзөмөлдөө боюнча жетекчисинин кеңешчиси (Вена ш., Австрия);

2004-жылы – «Уппсала» университетинде изилдөөчү (Швеция);

2003-2004-жылдары — КР наркозаттарды тескөө боюнча агенттигинин штаб мүдүрүнүн орун басарынын милдетин аткаруучу; 2000-2003-жылдары наркозаттарды тескөө боюнча КР Өкмөтүнүн алдындагы эл аралык кызматташуу, анализдөө жана божомолдоо боюнча түзүлгөн Мамлекеттик комиссиянын мүдүрү жана башкы адиси;

1994-2000-жылдары – КР ИИМдин жогорку милициялык мектебинин катардагы окутуучусу, ага окутуучусу.

Көмөктөш кызматтар:  Шенжен университетинин адъюнкт профессору (2016-ж); Укук жана саясий илимдер Шанхай университетинин штаттан тышкары профессору (2014-ж.); 2010-жылы БУУнун Башкаруучулугунун «Кылмыштуу жол менен тапкан кирешелерди изилдөө-тескөө боюнча» уюштурган тренингдеринин консультанты, Алматы, Астана, Казахстан; 2008-2015 -ж.ж. – Кыргыз улуттук университетинин юридикалык институтунун кылмыш жана укук кафедрасынын профессору; 2002-2014 –ж.ж. – Кыргыз улуттук институтунун эл аралык факультетиндеги “Эл аралык билим берүү интеграциялык программалардын” профессору; 1998-ж. Чүй университетинин юридикалык дисциплиналары боюнча кафедра жетекчиси. Тилдерди өздөштүрүүсү: Англис тилинде жакшы сүйлөйт.

Басмадан чыккан эмгектери: Кыргызстандын криминология жана кылмыш укугу боюнча уюшулган кылмыштуулук менен коррупциячыл, ошондой эле наркозаттар жагдайына тийиштүү маселелерди камтыган 100 ден ашуун эмгектин автору жана көмөкчү автору, ошонун катарында: КР Конституциясына комментарий – Бишкек, 2016 ж., (көмөктөш автор); КРнын Кылмыш Кодексине комментарий – Бишкек, 2014 ж., (көмөктөш автор); КРнын Кылмыштык аткаруу кодексине комментарий – Бишкек, 2010 ж. – (көмөктөш автор); КР кылмыш процессуалдык кодексине комментарий – Бишкек, 2008, (көмөктөш автор); Бүгүнкү Кыргызстандын кылмыш саясаты: теория жана практика маселелери, монография — Москва, 2005; Developing Counter-Narcotics Policies in Central Asia: Legal and Political Dimensions. Sweden. University. 2005 (Борбор Азиядагы наркотикке каршы саясат: укуктук жана саясаттык ченемдер).

Коомдук иштери:

2016 — ж. — Кыргыз юристтеринин Ассоциациясынын правлениесинин төрагасы;

2013- ж. — Коррупцияга каршы туруу боюнча укук коргоо жана башка органдарынын координациялык кенешмесинин эксперттик кенешинин төрагасы;

2013 — ж. – Кыргыз Республикасанын Коргоо Кенешинин алдыдагы коррупция каршы стратегиясынын козомолдо Жумушчу Топтун мучосу;

2008 – 2011 – ж.ж. КР Жогорку Сотунун илимий-консультативдик кеңешинин мүчөсү;

2011-2013 – ж.ж УКМК КР алдындагы коомдук көзөмөл кеңешинин башчысы;

1999-2007-ж.ж. КТРдин Соттук-укутук реформа маселелери боюнча уюштурган дискуссиялардын алып баруучусу;

2012 – 2016- ж.ж. Кунтуу айылдык кенешинин депутаты.

Сыйлыктары: Кыргыз Республикасынын Ардак грамотасы (2015 ж.); Табият илимдер Россия Академиясынын “Илим жана билимге эмгеги сиңген ишмери” (2015 ж.); Кыргыз Республикасынын Өкмөтүнүн Ардак грамотасы (2014 ж.); Россиянын Афганистан ветерандар союзунун «Сиңирген эмгеги үчүн» Ордени (2013 ж.); КР ИИМдин «Барс» медалы (2009 ж.).

Үй-бүлөлүк абалы:  Үй-бүлөлүү, 4 баланын атасы.