Москва–Бишкек каттамынын жүргүнчүлөрү аэропорттон өз алдынча чыгып кетти деген маалымат калп

“Аэрофлот” авиакомпаниясынын Москва–Бишкек каттамынын жүргүнчүлөрү аэропорттон өз алдынча чыгып кетти деген маалымат чындыкка дал келбейт. Мындай билдирүүнү бүгүн, 24-мартта аэропорттун маалымат кызматы таратты.

Бул каттамдын жүргүнчүлөрү бардык тийиштүү процедуралардан өтүшкөн. 2020-жылдын 22-мартына чейин коронавирусун жуктургандардын саны 1000ден аз болгон, эпидемиологиялык абалы жагымдуу өлкөлөрдөн келгендердин баары тийиштүү процедуралардан өткөндөн кийин үй карантинине жиберилген болчу

Республикалык штабдын чечими боюнча 22-марттан тарта чет өлкөлөрдөн учуп келген бардык жүргүнчүлөр тийиштүү процедуралардан – паспорт көзөмөлү, санитардык-карантиндик пункттан өткөндөн кийин, обсервация жайларына жеткирилүүдө.