Коронавирус: Технологиялык корпорациялар мамлекеттик органдар менен кызматташат

Америкалык негизги технологиялык корпорациялар – алардын ичинде Microsoft, Facebook, Alphabets Google жана Twitter өздөрүнүн платформаларында коронавирус пандемиясы боюнча тескери маалыматтын алдын алуу максатында кызматташа тургандыгын билдиришти. Бул компаниялардын катарына LinkedIn, Reddit жана YouTube компаниялары да кирет. Аталган компаниялар мамлекеттик органдар менен биргеликте өздөрүнүн колдонуучуларын COVID-19 илдетине байланыштуу маанилүү өзгөрүүлөр, маалыматтар менен камсыз кылуу ниетинде ушундай иштерди жүргүзүү чечимин кабыл алышты.