Келишим боюнча Токио Олимпиаданы жылдын соңуна чейин жылдырууга укугу бар. Бирок оюнду өткөрбөй коюу чечимин Эл аралык Олимпиада комитети гана кабыл алат.
Коронавируска байланыштуу айрым спорттук мелдештер өтпөй, же көрүүчүлөрсүз өткөндөн кийин Олимпиаданын болор-болбосу суроо жарата баштаган.
Япония бийлиги Олимпиада үчүн эч кандай коркунуч жок экенин бир нече жолу билдирген. Оюндарга даярдык көрүүгө азыркы тапта эле 12 миллиард доллар жумшалды.
Эске салсак, 2020-жылкы жайкы Олимпиада оюндары 22-июлдан 9-августка чейин Япония мамлекетинде өтөрү белгиленген.
