Президент жазык кодекстерин ишке киргизген мыйзамга кол койду

Президент Садыр Жапаров Кылмыш-жаза кодексин, Укук бузуулар кодексин, Кылмыш-жаза процессуалдык кодексин жана Жазык кодексин колдонууга киргизүү жөнүндө мыйзамга кол койду.

Белгилей кетсек, Мамлекет башчынын каршы пикиринен соң кайра иштелип чыгып, Жогорку Кеңеш кабыл алган жазык кодекстерине президент үстүбүздөгү жылдын 28-октябрында кол койгон.

Буга чейин жогоруда белгиленген мыйзамдык актылар бир катар дал келбестиктер жана Конституцияга ички карама-каршылыктардан улам президент тарабынан мыйзам чыгаруу органына макулдашылган вариантын иштеп чыгуу үчүн кайтарылган.