10-мартка карата аба ырайы тууралуу маалымат

Кыргызгидромет билдиргендей, эртең, 10-мартта түнкүсүн Ош, Жалал-Абад, Баткен облустарынын көпчүлүк аймактарында жаан, кар, Чүй облусунун тоолуу аймактарында кар жаашы күтүлөт.

Күндүз Чүй, Талас, Ош, Жалал-Абад, Баткен облустарынын айрым аймактарында жаан, кар, Нарын облусунун айрым аймактарында кар жаашы мүмкүн.

Абанын температурасы:

Чүй облусунда түнкүсүн +1…+6, күндүз +10…+15;

Талас облусунда түнкүсүн 0…+5, күндүз +9…+14;

Баткен, Ош жана Жалал-Абад облустарында түнкүсүн +3…+8, күндүз +11…+16;

Ысык-Көл облусунда түнкүсүн -1…+4, күндүз +7…+12;

Нарында түнкүсүн -4…+1, күндүз +5…+10,

Бишкек шаарында кечке маал жаан жаашы ыктымал. Абанын температурасы түнкүсүн +4…+6 градус, күндүз +13…+15 градус болот.