Красноярск-Ош чартердик аба каттамы ачылды

Красноярск-Ош-Красноярск чартердик аба каттамы ишке кирди. Бул тууралуу «Манас» эл аралык аэропортунан кабарлашты.

23-январь күнү Орусиянын Красноярск шаарынан учуп келген «Икар» авиакомпаниясынын алгачкы учагы «Ош» эл аралык аэропортуна конгон.

Алгачкы каттамда Ошко 125 жүргүнчү учуп келип, Красноярск шаарына 189 адам учуп кеткен.