Маданият министрлиги балдар адабияты боюнча сынак жарыялайт

Маданият, маалымат жана туризм министрлиги балдар адабияты боюнча сынак жарыялайт.

Сынакка мектеп жашындагы жана өспүрүм курактагы балдар үчүн кыргыз тилиндеги чыгармалар бир топ номинациялар менен кабыл алынат:

— балдарга арналган мыкты чыгармалар үчүн (китеп);

-балдардын мыкты жарыяланган прозалык чыгармасы үчүн (китеп);

— балдар адабиятынын чыгармаларын кыргыз тилине мыкты которгону үчүн;

Сынакка чыгармалар мамлекеттик органдар, жергиликтүү өз алдынча башкаруу органдары, коомдук уюмдар жана мекемелер тарабынан көрсөтүлөт.

Чыгармалар басмаканалык шрифт менен басылган түрдө алты нускадан кем эмес санда берилет.

Материалдар 2020-жылдын 20-декабрынан баштап 2021-жылдын 1-мартына чейин, иш күндөрү саат 09:00дөн 17:00гө чейин министрликтин маданиятты, искусствону жана кесиптик билим берүүнү өнүктүрүү башкармалыгы тарабынан кабыл алынат.

Сыйлыктар 1-июнь — Балдарды коргоонун эл аралык күнүндө тапшырылат.