Өзбекстанда коронавирус жуктургандардын саны 10143кө жетти

Өзбекстанда коронавирус инфекциясын жуктургандардын саны 10 миң 143кө жетти. Бул тууралуу Саламаттыкты сактоо министрлигинин күнүмдүк отчетуна таянып жергиликтүү басылмалар жазды.

— Өзбекстанда 2020-жылдын 6-июнунда саат 10.00гө карата коронавирустук инфекциянын жаң 123 учуру катталып, жалпы саны 10143кө жетти, — деп айтылат билдирүүдө.

Жаңы катталган учурлардын 43ү карантин борборунда, 60ы Анжиян облусунда жана Ташкент облусунда 20 жаңы учур аныкталды.

Өлкөдө коронавирус пайда болгондон бери 6584 адам коронавирустан айыгып, 34 адам көз жумган. Учурда 3524 адам ооруканаларда дарыланууда.