Биз менен байланышыңыз

Профессор Абдиманнап Муратов пневмониядан улам көз жумду

Кыска кабар | 5 Июл 2020 | 418 | 0

Медицина илимдеринин доктору, профессор Абдиманап Муратов каза болду. Маалыматка ылайык, 59 жаштагы Муратов акыркы күндөрү пневмония менен ооруп жаткан.

Билим берүү жана илим министринин жана саламаттык сактоо министринин экс-орун басары, медицина илимдеринин доктору, профессор, педиатр-дарыгер Муратов Абдиманнап Аттокурович 2020-жылдын 4-июлунда 59 жашында мезгилсиз дүйнө салды.

Ал 1961-жылы 13-майда Ош областынын Кара-Суу районунун Мады айылында туулган. 1984-жылы Кыргыз мамлекеттик медициналык институтун “Педиатрия” адистиги боюнча бүтүргөн.

Эмгек жолу:
— 1989–1999-жж.-Кыргыз мамлекеттик медициналык институтунда профессор;
— 1993-1995 –жж- Иран мамлекетинде дарыгер болуп эмгектенген;

— 1999-2002-жж- Кыргызстан Акушерлик жана педиатрия ИИИде бөлүм башчы болуп эмгектенген;
-2006-2009-жж.-КР Өкмөтүнүн Аппартында кызматчы;
-2009-жылы Саламаттык сактоо министринин орун басары;
— 2010-2015-жж- КР Президентинин аппаратында бөлүм башчы;

— 2015-2018-жж- КР Билим берүү жана илим министринин орун басары- Илим департаментинин директору кызматтарын аркалаган;

Көп жылдык үзүрлүү эмгеги үчүн бир топ сыйлыктар менен сыйланып, илим тармагына сиңирген эмгеги үчүн 2017-жылы «Кыргыз Республикасынын илимине эмгек синирген ишмери” наамына ээ болгон.

Акыркы учурда Абдиманнап Муратов COVID-19 илдети менен күрөшүү боюнча Илимий-консультативдик кенешинин мүчөсү болуп иштеп жаткан.

Марал радиосунун эмгек жамааты маркумдун жакындарына терең кайгыруу менен көңүл айтып, аза кайгысын тең бөлүшөт.

Copyright © 2017 Maral FM